കരിമണിമാല

                  അന്ന് ജയന്‍ ചേട്ടനാണ് അമ്മയുടെ കരിമണി മാലയുമായി ടൌണില്‍ പോയത്. ഞാനും അമ്മയും അച്ഛനും  ജയന്‍ ചേട്ടനെ കാത്തു ഇരിക്കുകയാണ്.
                     ചേട്ടന്‍ വന്നു. അച്ഛന് കുറെ രൂപ കൊടുത്തു. അധികം താമസിക്കാതെ ഞാനും അച്ഛനും കോളേജ് ലേക്ക് പോയി. ഈ രൂപ കൊണ്ട് ഫീസിന്‍റെ ആദ്യ ഇന്‍സ്റ്റോള്‍മെന്‍റ് അടക്കാം. പിന്നീട് കുറെ നാളുകള്‍ കഴിഞ്ഞെങ്കിലും ആ മാല തിരിച്ചെടുക്കാന്‍ കഴിഞ്ഞില്ല. അമ്മ ആ മാലയെ കുറിച്ച് ചോദിച്ചിട്ടേയില്ല. നാട്ടിലെ ആ ചെറിയ ജോലി കൊണ്ടൊന്നും മാല പണയത്തില്‍ നിന്നും എടുക്കാന്‍ പറ്റില്ലായിരുന്നു, അത് കൊണ്ട് തന്നെ ഞാനും അതിനെ കുറിച്ച് ഒന്നും മിണ്ടാരില്ലയിരുന്നു. അത് ചിലപ്പോള്‍ വിറ്റു പോയിരിക്കാം.
          പിന്നെയും വര്‍ഷങ്ങള്‍ കഴിഞ്ഞു, എന്‍റെ engagement നു മോതിരം വാങ്ങാന്‍ പോയപ്പോള്‍ അമ്മ അവിടെ കരിമണി മാല ഉണ്ടോ എന്ന് ചോദിക്കുന്നത് കേട്ടു. പക്ഷെ  അവിടെ സ്റ്റോക്ക്‌ ഇല്ലായിരുന്നു.  പിന്നെ അമ്മ ഒരു ചുവന്ന മുത്ത്‌ ഉള്ള മാല വാങ്ങി.
       അടുത്തതവണ ലീവ് നു പോകുമ്പോള്‍ പറ്റുകയാണെങ്കില്‍ ഒരു കരിമണിമാല വാങ്ങണം.